Турската новинска агенција Анадолија од утре ќе објавува вести и на курдски јазик.
Анадолија отвори канцеларија во Ербил, регионален административен центар во северен Ирак, а вестите ќе бидат на двата дијалекти на курдскиот јазик – курмански и сорански.
Покрај турскиот, англискиот, арапскиот, рускиот и босанскиот јазик, курдскиот ќе биде шести јазик на кој Анадолија ќе објавува вести.
Во Ербил се вработени 40 лица, а во Сулејманија и во Киркук се подготвуваат канцелариите.
Сервисот на курдски јазик беше најавен пред една година, на одбележувањето на 92-годишнината од постоењето на Анадолија.