Педесеттина Косовци ставиле крај на својот живот во изминатите единаесет месеци од годинава. Но, освен самоубиствата, според косовската полиција, голем е бројот и на спречени обиди за самоубиство.
– Од јануари до крајот на ноември годинава во Косово регистрирани се 48 самоубиства, зголемен број на спречени обиди за самоубиства, но и поттикнување и помош да се изврши овој чин, потврдуваат од полицијата, од каде додаваат дека поттикнување на ваквов чин е кривично дело и во тој правец преземени се сите законски мерки.
Според полицијата старосната граница на лицата кои посегнале по сопствениот живот е од 18-40 години, а факторите кои ги принудиле на тоа се различни.
Психолозите велат дека освен тешката економска состојба врз оваа појава влијаат и други фактори. Психологот Наим Телаку тврди дека 80 отсто од самоубиствата ги извршиле лица со психички здравствени прболеми.