Во вчерашните судири меѓу полицијата и учесници во демонстрации по повод Денот на трудот, повредени се 90 луѓе, изјави градоначалникот на Истанбул, Авни Мутлу.
Тој ги оквалификува демонстрациите како „незаконски акции, кои го нарушуваат јавниот ред“.
Мутлу додаде дека бројките за повредени се однесуваат само за лица кои побарале медицинска помош во локалните болници.
Дваесет и три лица од повредените се хоспитализирани, но ниту еден не е во животна опасност. Градоначалникот прецизира дека се приведени 142 демонстранти.