До 13 часот на претседателските избори во Црна Гора гласале 32,8 проценти од вкупниот број гласачи, објавија набљудувачите на изборите.
Одзивот е приближно на ниво на парламентарните избори во 2016 година, а повисок од претседателските избори во 2013 година. Гласаше и поранешниот претседател и премиер Мило Ѓукановиќ, кој е најсериозен кандидат на изборите, со поддршка од над 50 проценти според анкетите. Младен Бојаниќ е најсериозниот опозициски кандидат, поддржан од најголемиот опозициски блок.
Вкупно седум кандидати учествуваат на изборите, а право на глас имаат 532.599 граѓани.