Грчката полиција уапси 11 лица за време на антифашистичкиот протест одржан пред просториите на неонацистичката партија „Златна зора“ во преградие на Атина.
Во атинскиот кварт Панграти синоќа се одржа протест за време на кој дошло до тензии, па полицијата морала да интервенира. Ситуацијата подоцна се смирила, а демонстрантите се разотишле.
Грчката полиција вчера побара одобрение од Јавното обивнителство за да ги провери листите на телефонските разговори на пратеници на „Златна зора“, во рамки на истрагата за убиството на раперот Павлос Фисас.
Владата во Атина веќе побара судска истрага околу доказите за поврзаност на оваа, трета по популарност партија во Грција, со смртта на раперот со левичарски убедувања, кој беше убиен во вторникот вечерта, откако бил начекан во заседа од страна на 30-тина лица и избоден со нож.