Многу жени почнаа да ги преплавуваат социјалните мрежи со видеа на кои како тверкуваат, танцуваат и пеат со своите пријателки, откако видео од забава на која присуствуваше финската премиерка Сана Марин стана вирално.
Премиерката доживеа своевиден линч откако во јавноста излезе двеминутно видео од приватна забава. Марин пееше и играше на видеото, а опозициските политичари и медиумите кои не се за политиката на премиерката почнаа приказни за тоа како таа консумирала алкохол и дрога на забавата. Имаше коментари дека ваквото однесување е непримерно не само за жена на јавна функција, туку и за жена на нејзина возраст и покрај тоа што Марин има само 36 години.
Love it! Danish women are posting videos of themselves partying while tagging Finnish Prime Minister Sanna Marin.
To show “Solidarity with Sanna” pic.twitter.com/8gsUTuROLJ
— Very Finnish Problems (@VFinnishProbs) August 20, 2022
Во знак на солидарност, жени, кои се врсници на Марин почнаа да ги преплавуваат социјалните мрежи со видеа на кои танцуваат, пеат, пијат алкохол и генерално се забавуваат со своите блиски пријатели, на приватни забави, фестивали или во нивните домови.