ВИДЕО: Жена на плажа ја нападна фока, ја касна за раката и ја повлече во водата

Од:

Пливачка на плажата во Ваикики, Хаваи, била повредена викендов откако налетала на фока. Непрофитната организација за заштита на животните, која помага во следењето на заштитените видови, рече дека нејзините работници виделе како жената која пливала во водата дошла во контакт со фоката во неделата наутро.

Одделот за земјиште и природни ресурси на Хаваи во соопштение наведува дека жртвата е 60-годишна наставничка во основно училиште од Калифорнија. Жената добила големи рани на лицето, раката и грбот, наведува агенцијата. Државните власти рекоа дека нема да поднесат обвинение против жената и не ја именуваа, бидејќи барала анонимност.

Организацијата за заштита на животните соопшти дека фоката се породила пред околу две недели на плажата Кајмана во Ваикики, истата област каде што беше повредена жената. Националната управа за океани и атмосфера и поморската служба на Хаваи ги набљудувале мајката и бебето фока и ги предупредувале луѓето да се држат настрана. Незаконски е да се допираат, вознемируваат, повредуваат или убиваат фоките. На луѓето им било кажано и да останат подалеку најмалку 40 метри од мајката фока, иако таа препорака не е по закон.

Вознемирувањето на фоките, од кои во дивината останаа помалку од 1.600, е кривично дело. Животните се наведени како загрозени според Законот за загрозени видови и заштитени според Законот за морски цицачи.

„Ги потсетуваме луѓето дека мајките фоки со младенчиња се заштитени, можат да бидат опасни и да предизвикаат сериозни повреди на блиските капачи“, рече Хаваи Марин Респонс. Сведок сподели видео од средбата на жената со фоката. На снимката се гледа додека фоката се приближува до жената и ја повлече под водата загризувајќи и ја раката. За среќа реагирале очевидците на плажата кои успеале да ја фатат на време и да ја вратат на брегот.

Би можело да ве интересира

Тројца малолетници нападнале сопруг и сопруга во нивниот дом, го раниле мажот со нож

(ВИДЕО) Германија: Полиција застрела маж кој се обидел да нападне минувачи со секира близу фан зоната со холандски навивачи

Горан Наумовски

Неколкумина навивачи се ранети во инцидент во Германија, полицијата го застрела напаѓачот

Горан Наумовски

Пијаниот маж кој ја нападна данска премиерка заврши во притвор

(ВОЗНЕМИРУВАЧКО ВИДЕО) Нови детали од оружениот инцидент во Франција, од непосредна близина пукале кон полицајците

Горан Наумовски

Четворица тинејџери под истрага за нападот на германскиот пратеник Матијас Еке