Инфлуенсерот Коди Детвилер, кој има речиси шест милиони претплатници на YouTube, го сподели своето опасно по живот искуство кога неговиот сосема нов луксузен автомобил и комбе се запалија за неколку минути. Ги изгубил двете возила.
„Со жалење можам да ги информирам сите дека моето Ferrari F8 и миниван изнајмен 400.000 долари неодамна се запалија. Ова беше несреќа, но и одлична лекција дека има уште луди работи да се направат пред да се запали вашиот автомобил“, рече 25 годишениот инфлуенсер.
Видеото започнува со прикажување на Детвилер во Вако, Тексас, како го покажува својот нов автомобил – ги запали гумите и забрзува низ празното поле со пченка опкружено со сува трева. Одеднаш се гледа како гори десната гума. Неговите пријатели во комбето му викаат дека автомобилот му гори и тој застанува. Пламенот се проширил за неколку секунди и го зафатил комбето во близина.
„Излеговме од патот, одевме во поле со пченка, возилата горат, итно ни требаат пожарникари“, се слуша како еден од пријателите на Детвилер ѝ кажува на полицијата преку телефон.
а за само пет минути двете возила изгореа до темел. „Не ми е гајле за автомобилите. Се додека не се прошири на тревата. Дали воопшто имам осигурување на овој автомобил?“, се слуша како вели Детвилер, пред да му постави прашање на својот пријател.
И покрај тоа што некои обожаватели коментираат дека Детвилер намерно наместил сè и го подметнал пожарот, тој вели дека тоа всушност било несреќа.
„Не, ова не е наместено. Секој што знае да го чита говорот на човечкото тело може да каже дека ова е реално“, се вели во соопштението на Детвилер.
„Зошто би запалил комбе за изнајмување со сите наши работи во него? Изгореа и моите чевли, слушалки, очила за сонце, сентиментални фотографии од Полароид, алатки, резервни тркала и гуми и опрема за фотоапаратот. Секако дека заработувам пари со уништување работи, но јас не лажам, тоа не беше заговор“.
Со нето вредност од околу пет милиони долари, Детвилер откри дека не е загрижен да изгори автомобилот и ќе го замени со друго Ферари. Неговото видео собра повеќе од пет милиони прегледи на YouTube за само неколку дена.