На престижниот филмски фестивал „Баку Интернационал Туризам Филм“ кој што се одржа во главниот град на Азербеџан, промотивниот филм на туристичката заедница на Сплитско-далматинската жупанија, „The Heart Of Adriatic“ го освои првото место, односно Златната награда за најдобар промотивен туристички филм.
Хрватскиот филм го режирал Иван Периќ, а истиот е прогласен за најдобар во категоријата кратки промотивни филмови и реклами.
Инаку на фестивалот учествуваа 68 филмови од целиот свет, меѓу кои и од Австралија, Турција, Русија, Словенија, Црна Гора, Србија, БиХ, Италија, Латвија, Португалија, Финска, Данска, Украина и други.
„The Heart Of Adriatic“ е четврто промотивно видео остварување, а на јавноста и беше претставен кон крајот на минатата година.
Е. Г.