Актерката и пејачка Џенифер Лопез ја објави свршувачката со актерот Бен Афлек – 19 години откако парот за прв пат ја откажа венчавката.
Лопез (52) ја сподели веста со фановите преку социјалните мрежи. Од објавата се гледа дека таа додека е во солзи радосници носи веренички прстен со зелени камења.
Веста за свршувачката доаѓа една година откако парот јавно започна повторно романтична врска по речиси две децении разделба.
Лопез и Афлек започнаа врска во јули 2002 година, а свршувачката беше објавена во ноември истата година. Двојката требаше да се венча во септември, но венчавката ја одложија неколку дена пред церемонијата. Во јануари 2004 година ја раскинаа свршувачката и се разделија.
„Бен и јас раскинавме во време кога мислев дека сме посветени засекогаш, тоа беше мојот прв вистински срцев удар, се чувствував како срцето да ми е извадено од градите“, напишала Џенифер во 2014 година.
Само три дена по откажаната венчавка, таа почна да излегува со американскиот пејач Марк Ентони. Таа се омажи за него во јуни 2004 година.
Афлек зборува малку за својот приватен живот и речиси ништо не споделува јавно. Тој изјави за Вол Стрит Журнал во декември: „Една од тешките лекции што ги научив е дека не е мудро да споделуваш сè со светот. Има некои работи кои се приватни и интимни, а само се нарекуваат интимни, поради фактот што не се споделуваат со остатокот од светот“.
Лопез беше во брак со Марк Ентони 10 години. Тие се разведоа во 2014 година и ги имаат близнаците Ема и Макс (14).