Американскиот алпинист Алекс Хонолд успешно се искачи на облакодер во Тајван без јаже, појас или каква било заштитна опрема.
Зградата, наречена Тајпеј 101 според бројот на катови, е висока 508 метри и е изградена од челик, стакло и бетон, со дизајн што потсетува на стебло од бамбус.
Хонолд е светски познат како првиот човек што го искачи Ел Капитан – вертикалната гранитна карпа во националниот парк Јосемити во Калифорнија – исто така без јаже или заштитна опрема.
ALEX HONNOLD AFTER COMPLETING HIS FREE SOLO OF TAIPEI 101: "Sick."
The 101 story climb took 1 hour and 35 minutes #SkyscraperLIVE pic.twitter.com/TIzeRqiUcM
— Netflix (@netflix) January 25, 2026
Искачувањето првично беше закажано за сабота, но беше одложено поради влажното време.
Неговиот подвиг во главниот град на Тајван беше пренесуван во живо на Нетфликс, кој соопшти дека би имало задоцнување во преносот доколку се случи најлошото.
Хонолд го заврши искачувањето за еден час и 31 минута, а успехот го прослави со еден збор: „Лудо“.
Со ова време тој повеќе од двојно го подобри рекордот на единствениот друг човек што досега се искачил на кулата.
Французинот Ален Робер, познат како „Спајдермен“, успеа да стигне до врвот на Тајпеј 101 — тогаш највисоката зграда во светот — за четири часа, користејќи јаже и појас.
في أخطر مغامرة في التاريخ
لا تتكرر ..
استطاع أليكس هونولد (Alex Honnold) خلال ساعة ونص الوصول إلى نهاية برج Taipei 101
في تايبيه – تايوان، بارتفاع
508 متـر ، تسلقًا بدون حبال
ولا معدات سلامة !
عجيب❗️#سبحان_الله
#SkyscraperLIVE#مغامرة #خطر #رياضة pic.twitter.com/ItFrY7n0JF— N_B (@fayz_10NB) January 25, 2026
Потпретседателката на Тајван, Сјао Би-кхим, му честиташе на Хонолд преку објава на мрежата Икс, напишувајќи: „Признавам, и јас веројатно би се чувствувала лошо, едвај можев да гледам.“
На врвот на зградата Хонолд беше пречекан од неговата сопруга, која за време на искачувањето изразила загриженост поради силниот ветер и жештината.
Но, за време на искачувањето имало и дополнително одвлекување на вниманието.
Кога Хонолд стигна до 89. кат, обожаватели го поздравуваа и мавтаа кон него, лице в лице, одделени само со стаклото на прозорците, додека тој се држеше за фасадата на зградата.
Видео од моментот беше објавено од Хонолд и Нетфликс на Инстаграм, при што се гледа како алпинистот продолжува без да се поколеба.
Хонолд има зад себе бројни екстремни искачувања. Документарниот филм за неговото искачување на Ел Капитан, насловен „Free Solo“, освои Оскар.