Експертите од Светската здравствена организација (СЗО) веруваат дека не е невозможно да се спречи нова епидемија на ебола, доколку се преземат повеќе ефикасни мерки за борба против оваа заразна болест.
Меѓу најважното „оружје“ против еболата се новата вакцина и протоколот за брза рекација на здравствените служби.
Претходната епидемија на ебола почна во декември 2013 година и ги одзеде животите на 11.300 лица во три најтешко погодени западноафрикански земји.
СЗО беше изложена на критики поради бавната рекација и потценувањето на ризикот за ширење на епидемијата.
Вирусот на ебола е идентификуван во 1976 година, а претходните епидемии најчесто одзедоа по неколку стотини животи.