Познато е дека доењето е значајно за новороденчињата, но нова студија покажува дека доењето нема долгорочно влијание на децата, посебно кога станува збор за когнитивниот развој и однесувањето.
Студијата објавена во списанието „Педијатрикс“ следела 7.478 деца родени во термин од деветиот месец од животот. Проценката е извршена кога децата наполниле три, а потоа пет години.
За да ја извршат проценката за конгитивните способности и однесувањето, истражувачите ги замолиле родителите на тригодишните дечиња да пополнат прашалници за вокабуларот на децата и способностите за решавање на проблеми. По две години подоцна, биле повторени истите прашања.
Истражувачите заклучиле дека деца кои се доени шест или повеќе месеци се помалку хиперактивни и имаат подобри вештини во решавањето на проблеми на возраст од три години, но разликата меѓу нив и децата кои не биле или пократко се доени биле занемарливи на возраст од пет години.
Поранешните студии покажале дека мали се и разликите во општествено-економските фактори, како што се образованието и приходите.
Експертите истакнуваат дека факт е дека деца кои се доени имаат подобри резултати, но прашање е дали на нив влијаело млекото или растењето со родителит кои биле подобро образовани или имаат повеќе пари.