Игрите за мобилна платформа на компанијата Сивус влегоа во финалето на светскиот натпревар за најдобри апликации за iOS платформата: BestAppEver.
Апликациите на Сивус се борат во директна конкуренција со светски најпознатите компании за игри: Zynga, Big Fish, Playtika и Electronic arts.
Во конкуренција од 70 илјади апликации, две игри на Сивус успеаја да влезат меѓу десетте најдобри социјални игри, во категоријата за најдобри игри со коцки и во категоријата за најдобри казино игри.
Yatzy Ultimate е номинирана како една од најдобрите десет игри со коцки на светско ниво, и ја играат повеќе од 1.200.000 играчи во целиот свет, а најомилена е меѓу играчите од Скандинавија и Америка. Достапна е за речиси сите уреди на пазарот, во платена и бесплатна верзија: iOS, Windows 8 и Windows phone.
Black Jack Ultimate, пак, е играта која е номинирана за една од најдобрите десет казино игри во светот. Ова е игра која ја играат милиони играчи од цел свет, а најголем број се од Америка. Достапна е бесплатно за iOS уредите.
Гласањето е на следните линкови и споделете со вашите пријатели: Најдобри игри со коцки: http://bestappever.com/v/dcgm – Yatzy Ultimate Најдобрите казино игри: http://bestappever.com/v/csgm – Black Jack Ultimate.
Гласањето е отворено само уште два дена, до 31-ви јануари, 2013 година.