Apple за есента што следува го подготвува iPhone 6S.
Извор запознаен со синџирот на набавка на компанијата од Купертин, ни нуди најдетален увид во тоа како ќе изгледа новиот iPhone покажувајќи ни го куќиштето и внатрешноста на уредот.
iPhone од новата генерација ќе има идентичен надворешен изглед како и актуелните модели, како и боите во кои ќе може да се купи, но можно е Apple на самиот крај да воведе некои промени.
Широчината и дебелината на уредот исто така би требало да останат непроменети.
Многумина се надеваа дека iPhone 6S ќе има камера со два објективи, но ако им се верува на фотографиите, тоа нема да се случи бидејќи на куќиштето има простор само за камера, микрофон и LED блиц.
Долниот дел од уредот исто така ќе остане непроменет со оглед на тоа што фотографиите откриваат идентичен број на дупчиња за микрофон и слушалки.