Со симболично отворање на бочва со пиво започна минхенскиот – Октобер фест, кои во текот на своите 16 фестивалски денови ќе нагости илјадници посетители во главниот баварски град и љубители на пенливиот напиток.
Пиењето пиво на октомврсискиот фестивал, е традиција од октомври 1810 година, а е започната во чест на женидбата на баварскиот принц, кој владеел по кралот Лудвиг Први, со Тереса Вон Хидбургхаусен. Со време прераснал во најпознатиот фестивал на светот кој го слави пивото.
Посебeн деликатест и вистинско уживање за посетителите се пивата произведени според рецепти стари со векови, кои инаку се чуваат добро скриени во тамошните музеи. Фестивалот се одржува во областа Теренсвасен, на повеќе од 30 хектари површина.
Октоберфест привлекува просечно околу 6 милиони посетители, од кои најголем дел од соседните земји, а и покрај рецесијата организаторите се надеваат и оваа година на добар одзив кај љубителите на пивото. Исто така предвидуваат дека на Октоберфест ќе с еиспијат повеќе од 6 милиони литри пиво и ќе се изедат околу 400 илјади од познатите баварски колбасици.