На третата ролеријада во чест на Европската недела на мобилност, учествуваа 530 деца од 21 основно училиште од Скопје и околината, а првите три места ги освоија Антонио Гилев од ОУ „Ј.Џ. Песталоци“, Стефан Стојанов од ОУ „Круме Кепески“ и Амар Мамути од ОУ „25 Мај“.
Стартната позиција беше на булеварот „Илинденска“, од пред фонтаната „Лотосов цвет“, а учесниците во ролеријадата се движеа до крстосницата на булеварот „Илинденска“ со улицата „Никола Тесла“, кај дирекцијата на ЈП Паркови и зеленило.
Организатори на „Ролер трка 2014“, наречена „Возиме кон иднината“, чија цел е развивање на спортскиот дух кај најмладите и создавање навики за спортување, беа ЈУ Детскиот културен центар-Карпош од Скопје и Град Скопје.
За разлика од годинава, лани на ролеријадата имаше околу 400 учесници.