Начниците долго време изразуваа сомнеж дека покровот од Торино на кој е видлива силуета на машко лице, бил користен за завиткување на Исус Христос по симнувањето од крстот, па дури и некои истражувања укажуваа дека станува збор за артефакти од средниот век, а не за предмет од првиот век.
Сепак, едно последно истражување доведе до нови сознанија за целта на покровот.
Елвио Карлино, истражувач на Институтот за кристалографија во Бари, тврди дека честиците издвоени од покровот укажуваат дека со него била завиткана жртва од мачењето.
– Честиците имаат необична структура, големина и распореденост, вели професор Џулио Фанти од Унвиерзитето во Падова.
Според него, крвта на лицето кое било завиткано во покровот содржи големо ниво на супстанци на креатинин и феритнин, какви што се вообичаени кај жртвити од мачење и претепување.
– Значи, присуството на овие наночестици пронајдени во текот на нашите експерименти укажува дека човекот завиткан во покровот од Торино починал од насилна смрт, заклучува Фанти.
Покровот е долг три, а широк еден метар, а на себе има бледи силуети од лице на маж, за кој христијаните веруваат дека е Исус.
Во текот на последните децении покровот повеќепати научно бил проучуван. Според една теорија, покровот е исткаан во средниот век и лажно претставен како платно во кое било завиткано телото на Христос симнато од крстот.
Фанти смета дека нивното истражување отвора простор за нови претпоставки за потеклото на покровот од Торино.