По неколку години шпекулации во медиумите околу врската со поранешниот премиер на Италија, Силвио Берлускони, една од најбогатите Бугарки, Дарина Павлова која живее во Рим, кажа пикантни детали за италијанското списание “Оџи”.
Вдовицата на убиениот бугарски бизнисмен, Илија Павлов, тврди дека првата ноќ со премиерот на Италија била незаборавна. “Беше оган и пламен”, се исповеда Дарина, која кажа дека со Берлускони се запознала пред 8 години во Вашингтон, а малку подоцна започнала нивната врска.
Дарина Павлова себеси се смета за поразлична од другите љубовници на Берлускони и тврдеше дека за неа е најважно да ја зачува љубовта.
Иако за врската со Берлускони таа тврдеше дека се гради врз взаемно почитување, сега вели дека е разочарана од опкружувањето на Берлускони. Според италијанското списание, Берлускони имал околу 130 љубовници.