Поранешниот италијански премиер Силвио Берлускони е на интензивна нега во болница во Милано, изјави политички извор за Ројтерс.
Берлускони, кој четири пати беше премиер, во последните години имаше бројни здравствени проблеми, а минатата недела беше пуштен од болница.
Болницата Сан Рафаеле не одговори веднаш на барањето за коментар.
Италијанската новинска агенција АГИ соопшти дека Берлускони е на интензивна нега на одделението за кардиологија.