Кралицата Елизабета од Велика Британија (93) покажа сосем поинаква страна од онаа на која сме навикнати досега.
Наместо аристократско сериозно држење на позицијата кога позираше за фотографии, на кралицата конечно и се исполни желбата, која ја криеше со години – да се слика со рацете во џебовите!
Фотографијата ја објави списанието „Hello“ по повод објавувањето на книгата на долгогодишната стилистка на кралицата, а портретот кој го овековечи фотографот Бери Џефри ги воодушеви обожавателите ширум светот.
Фотографијата јасно покажува во очите на кралицата колку е среќна што конечно зазема ваква поза за фотографирање, а токму нејзината искрена насмевка го воодушеви половина свет.
Кралицата Елизабета сакаше ваква фотографија уште од нејзиното крунисување, но кралицата Мајка и службениците во палатата никогаш не и дозволија.
Стилистката на кралицата откри интересни информации за останатите фотографии од фотосесијата.
– Нејзиното величество позираше во различни пози – со рацете во и надвор од џебовите, па ги стави рацете на колковите и имитираше професионални модели. Таа беше толку среќна и природна “, открива таа.
Сепак, Кралскиот совет одлучил дека необичните фотографии на кралицата не се погодни за објавување и само една е одобрена – ретка фотографија на која се гледа насмевката на кралицата од уво до уво.