Протеините присутни во некои видови австралиски корали можат да го спречат ширењето на ХИВ-вирусот, тврдат американски научници.
Истражувачите од „National Cancer Institute“ на лабораториски примероци на ХИВ утврдиле дека протеините книдарини можат да го блокираат делувањето на вирусот, што предизвикува СИДА.
Според нив, книдарините биле ефикасни и во концетрации од милијардити дел на грамот.
Делувањето на овие протеини се темели на нивната способност да се врзат со вирусот и да спречат прв чекор во трансмисијата на ХИВ, односно влезот на вирусот во Т-клетките на имунолошкиот систем.
Научниците веруваат дека книдарините е можно да се применат во производството на микробицидни вагинални делови наменети за оневозможување на ХИВ инфекцијата.
Во следната фаза истражувањето ќе се обиде да утврди дали овие протеини се ефикасни и против други вируси.