Фена – Сараево
Според статистичките извештаи се проценува дека бројот на корисниците на социјалните мрежи во 2016 година ќе биде околу 2,13 милијарди, што е 730 милиони корисници повеќе од само пред четири години во 2012 година.
Со други зборови, вашата компанија и бренд мора да обезбедат свое присуство и да биде активна на социјалните мрежи. Токму поради таквиот брз и широк досег на социјалните мрежи, дури и една мала грешка може да го загрози угледот на вашата компанија и брендот.
Ако сте задолжени за поставување на информации на социјалните мрежи, би било добро да размислите пред да ги објавувате постовите. Дури и ако грешката ја направите само неколку секунди по објавата и потоа ја избришете, треба да сте свесни дека постои голема веројатност дека веќе некој го забележал тој ваш пропуст. За да сте сигурни дека социјалните мрежи ги користите исправно, избегнувајте ги овие пет најчести грешки.
Расправии со клиенти
Јавни расправии со клиенти, без оглед дали тие се вистински клиенти или интернет тролови, може само да нанесе штета на угледот на вашата компанија. Најдобра опција во вакви ситуации е да останете прибрани, незадоволниот клиент да го пренасочите на службата за корисници и на пристоен начин комуникацијата да ја преселите од социјалните мрежи. Останатите клиенти ќе го препознаат вашиот труд ако проблемот го решите без учество во расправии. Препирките на социјалните мрежи, без оглед на аргументите, треба да се избегнуваат по секоја цена.
Еднонасочна комуникација
Социјалните мрежи се разговорни медиуми, па кога ги игнорирате своите „следбеници‟, го убивате целиот труд кој сте го вложиле во одразувањето на социјалните мрежи. Двонасочната комуникација создава лојални корисници, гради односи и позитивна репутација. Ако имате време да напишете текст, тогаш сигурно имате и неколку минути да одговорите на прашањата на потенцијалните клиенти. Во реалниот живот не би игнорирале лице кое ви се обраќа директно лице во лице. Истиот случај е и на социјалните мрежи. Исто така, имајте предвид дека вашата улога на социјалните мрежи треба да биде забавна, информативна и да претставува извор на инспирации.
Нецелосен профил
Во ваш најдобар интерес е вашиот профил на социјалните мрежи да раскаже приказна, да пружи информации и да се поврзува со официјалната страница на вашата компанија. Проверете дали на профилот сте ставиле насловна фотографија, куса информација за компанијата, линк до официјалната страница, како и адреса и број на телефон. Колку повеќе информации ќе пружите, толку полесно клиентите ќе го најдат тоа што ги интересира.
Премногу објавена содржина
Редовното одржување на профилот на социјалните мрежи, како и поставувањето на нови информации е важен дел на интернет маркетингот, но како да знаете кога сте претерале? Можеби најлесно е да се ставите во позиција на ваша публика и да се присетите колку често ги читате информациите кои ви ги пласира вашиот бренд кој вие го следите. Константното „бомбардирање‟ на потенцијалните клиенти со информации, воопшто не е добар деловен план. Постои одредена граница, посебно ако сте поставувале неоригинална содржина или содржина која само површно е поврзана за вашиот бренд.
Кога и колку често да се објавуваат содржини на социјалните мрежи и за правилата на кои треба да се придржувате при објавување на содржини можете да прочитате на овој линк http://mojweb.ba/kada-i-koliko-cesto-trebate-objavljivati-sadrzaj-na-drustvenim-mrezama/ .
Претерана употреба на хаштаг #
Хаштаговите (#) и тоа како се важен дел од социјалните мрежи и одличен маркетиншки трик, но само ако ги применувате правилно. Нивното претерано користење, потоа создавање на неважечки хаштагови, или долги кои тешко се читаат, може да биде само напорно за вашите клиенти и следбеници на вашиот бренд. Ако користите релевантни хаштагови на пример #иметонавашатакомпанија или бренд, ја олеснувате нивната употреба и со самото тоа ќе ги користат повеќе клиенти.