„Самсунг Галакси Ноут 7“, кој ќе биде пуштен во продажба кон крајот на месецов, е опремен со Кју-Ха-Де ЛЕД екран со дијагонала од 5,7 инчи (14,4 сантиметри) и резолуција од 2.560 на 1.440 пиксели.
„Самсунг“ како предност на овој модел, меѓу другото, ја истакнува и можноста за избор меѓу четири начини на прикажување на боите, наместо само на еден како што е случај со многу паметни телефони и таблет компјутери. Еден од тие начини овозможува, на пример, приказ на содржини во резолуција 4К на 4К Ју-Ха-Де телевизори.
„Самсунг Галакси Ноут 7“ се издвојува и по широчината на спектарот на боите кои може да ги репродуцира, како и по осветлувањето, добриот контраст и ниското ниво на отсјај.
Екранот е заштитен со стакло „Горила 5“ , кое е најавувано како потрајно и поотпорно од претходното, како и со „Еџ Панел“ функција на страничниот раб, која со еден допир овозможува пристап до апликациите, вестите и останатите функции, како што се контактите, календарот или предната камера.