Во автобиографијата наречена „Убава“, Кејти Пајпер, поранешна манекенка, опишува како излегла од пеколот откако нејзиното поранешно момче и го изобличени лицето пред 14 години до тој степен што таа едвај преживеала и останала слепа на едното око.
Имено, нејзиниот тогашен дечко Даниел Линч во март 2008 година од љубомора и полил со киселина на лицето.
“Слушнав страшен крик, како некое животно да го колат. Од каде доаѓаше тој звук? И тогаш сфатив дека тоа сум јас”, е само една реченица во потресната книга на оваа Британка.
Нејзиното тогашно момче, Даниел Линч, во напад на љубомора ангажирал професионалец кој ја полил Кејти со сулфурна киселина, а по овој монструозен чин кожата на лицето целосно и се стопила, коските и биле оштетени, го изгубила видот на еден око, а повредени и и биле и очите и делови од раката. Сепак, тоа не беше се. Непосредно пред грозоморниот настан, Даниел ја силувал и малтретирал цели 8 часа. Киселината била само „завршување на неговата одмазда“.
Напаѓачот мирно одел по улицата додека не наишол на Кејти, а потоа фрлил киселина врз неа. Девојката во агонија истрчала во првото кафуле каде што гостите и дошле на помош. Повредите биле страшни.
Кејти признава дека и самата не знае како нашла сила да продолжи со животот. Долго се криела од јавноста, а потоа решила да ги земе работите во свои раце и, како што пишуваа, страшната трагедија ја претворила во своја полза. Досега имала околу 400 операции, а последната во низата, трансплантација на кожа на десниот очен капак, била извршена неодамна. За среќа, успешно.
Првиот пат кога сфатила дека мора да стане и да зборува било речиси две години по ужасниот инцидент. Откако се криела од луѓето и имала паничен страв од мажите, сфатила дека мора да ја врати контролата, а еден од начините е јавно да зборува за се и да им помага на другите жени кои преживеале некаков облик на насилство.
“Се сеќавам на времето кога не сакав да видам никого и не сакав никој да ме види. Се сеќавам колку се плашев од луѓето, особено од мажите. Се плашев од целиот свет. Се сеќавам дека тогаш да се зборува за оваа траума беше невозможна мисија“, вели таа.
Многу ѝ помогнало тоа што набрзо по инцидентот полицијата успеала да го лоцира напаѓачот, а потоа бил осуден на доживотен затвор.
Таа ја основа добротворната организација „Фондацијата Кејти Пајпер“ за да ги охрабри луѓето кои живеат со изгореници и лузни, а за нејзината добротворна работа доби бројни награди и признанија. Една од наградите што ја доби е „Жена на годината“.
Кејти е инфлуенсерка, радио водителка и ТВ-личност и ги користи своите платформи за да им помогне на сите што поминале низ нешто слично. Поради нејзиниот позитивен став, таа ги освои срцата на луѓето ширум светот. Таа напиша три книги за нејзиното трагично искуство.
Убавицата среќата ја нашла и на љубовно поле.
Иако мислеше дека никогаш повеќе нема да може да му верува на маж, Ричард Џејмс Сатон беше решен да ја придобие, а парот го кажа своето судбоносно „да“ на тајна венчавка во декември 2017 година.
Во меѓувреме добија и две деца, две ќерки, Бел Елизабет и Пенелопе Дијана, а како што вели, кога ќе пораснат ќе им ја раскаже целата приказна.