Американската актерка, 38-годишната Анџелина Џоли ќе добие специјален Оскар за хуманитарната работа и волонтирањето.
Џоли е амбасадор на Обединетите нации повеќе од десет години. Кога започна да се занимава со хуманитарната работа, изјави:
„Не можеме да ги игнорираме фактите дека милиони луѓе таму некаде патат. Искрено сакам да помогнам. Секој од нас верува дека некој би ни помогнал кога би се нашле во лоша ситуација“.
Признанието „Governors Awards“ го доделува Американската филмска академија секој ноември.
На 16-ти ноември ќе бидат доделени уште три почесни награди.
Актерите Стив Мартин и Анџела Лансбери и костимографот Пјеро Този ќе добијат награди за своите достигнувања во филмската индустрија.