ЗНМ и СЕММ: Стигматизирачки и омаловажувачки пристап на Апасиев кон новинарите

Од:

Здружението на новинари на Македонија (ЗНМ) и Советот за етика во медиумите на Македонија (СЕММ) го осудуваат непристојниот и груб однос на пратеникот Димитар Апасиев кон новинарите, служејќи се со стигматизирачки и дискриминаторен говор и нарекувајќи ги новинарите „проститутки“, во знак на незадоволство за начинот на којшто известуваат од меѓувладината конференција во Брисел.

dobivaj vesti na viber

-Со самото тоа, како актуелен пратеник и лидер на политичка партија, негативно влијае врз слободата на изразување и квалитет на јавната дебата, порачуваат од таму. Со своите вчерашни јавни изјави на социјалната мрежа Фејсбук, Апасиев демонстрира пример на тоа како јавна личност не треба да комуницира со новинарите и јавноста воопшто.

Ова не е првпат Апасиев да се служи со ваков говор и да има арогантен однос кон новинарите. Со тоа директно го крши и Кодексот на етичко однесување на пратениците, според којшто во член 6 се наведува дека „пратеникот е должен при извршување на функцијата да се однесува со особено внимание и почитување на личноста и угледот на секој поединец“, истовремено мотивирајќи и други партиски приврзаници, но и други поединци и групи во општеството, на истиот начин да се постават кон новинарите.

Повторно укажуваме и предупредуваме дека со ваквиот говор и настап е возможно да се поттикне насилство кон новинарите, што е апсолутно спротивно со законот, за што одговорност имаат и институциите на системот, стои во соопштението од ЗНМ и СЕММ.

Би можело да ве интересира

Рекламирање со јавни пари е забрането, реагира Здружението на новинарите на постапката на Град Скопје

Горан Наумовски

ЗНМ: „Ми рекоа дека ќе видам што ќе ми се случи следниот пат кога ќе го шетам кучето“ – новинарка од Мета вербално нападната

Ана Ололовска

ЗНМ: Одговорност за полициските службеници кои ја злоупотребиле положбата за да ја вознемируваат новинарката Вики Клинчарова

ЗНМ: Малтретирани новинари од страна на службеници во Комунална хигиена – МВР итно да реагира

Ана Ололовска

ЗНМ бара конкретни мерки од МВР против лицето што ги спречило новинарите на Алсат да си ја вршат работата

Се огласи и Апасиев по инцидентот со Костовски во Собранието

Горан Наумовски