Проширување на капацитетот на детска градинка и нова пречистителна станица за решавање на проблемот со отпадните води во Ново Лисиче се меѓу главните ветувања на Златко Марин за жителите на оваа населба.
Миризбата која се чувствува од реката и претесната градинка долги години ги мачат граѓаните и тие ќе бидат приоритет, вели Марин и вети и нов пазар, замена на старите дотраени азбестни кровови и проширување на булеварот „АСНОМ“.
Во програмата на Марин е предвиден и пакет за миленици кој е барање на граѓаните, но и нов општински стационар со кој конечно ќе почне да се решава проблемот со уличните кучиња.
Во соработка со Град Скопје и централната власт, Марин ветува решавање на проблемот со загадувањето, кој во овој дел од населбата е особено изразен, а воздухот речиси отровен во зимските периоди.
Тој ја критикува локалната власт дека со години не се посветуваше на горливите проблеми туку се фокусираше само на нови градби и згради кои дополнително го влошија квалитетот на животот во општина Аеродром.