Жена од Берово поттикнала омраза и насилство со објава на Фејсбук, кривична пријава доби и нејзин сограѓанин кој коментирал

Од:

Жена и маж од Берово заработија кривични пријави, бидејќи на социјалните мрежи ширеле расистички и ксенофобични материјали по пат на компјутерски систем. Од СВР-Штип, во соопштение наведуваат дека Одделението за внатрешни работи Берово до Основното јавно обвинителство Берово поднесе кривична пријава против 32-годишната В.Н. (32) од Берово, поради постоење основи на сомнение дека сторила кривично дело „ширење на расистички и ксенофобичен материјал по пат на компјутерски систем“ казниво по чл.394-г од Кривичниот законик.

-Пријавената на 11 јануари 2021 година по пат на компјутерски систем, преку социјалната мрежа „Фејсбук“ објавила ксенофобичен материјал, со кој поттикнала омраза, дискриминација или насилство, се вели во соопштението од СВР-Штип.

Во него се наведува дека Одделението за внатрешни работи во Берово поднесе кривична пријава и против 39-годишниот Б.С. од Берово, поради постоење основи на сомнение дека сторил кривично дело „ширење на расистички и ксенофобичен материјал по пат на компјутерски систем“ казниво по чл.394-г, ст. од Кривичниот законик.

Пријавениот, исто така на 11 јануари по пат на компјутерски систем, преку социјалната мрежа „Фејсбук“ објавил коментар на пост на фејсбук профилот на 32-годишната В.Н од Берово, со кој поттикнал омраза, дискриминација или насилство.

Според Кривичниот законик, за вакво сторено кривично дело, судот може да изрече казна затвор од една до пет години.

Би можело да ве интересира

Пијаните возачи ќе одговараат кривично, заострување на казните

Ги нападнале овчарски кучиња, се качиле на столб за мобилна телефонија – спасени белгиски планинари во Ценар Жупа

Катерина Ѓуровски

ДУИ: Еднојазичните униформи не се само облека

Руското МВР тврди: Регистрирани се 10 обиди за терористички напади за време на локалните избори

МВР на поклон доби 23 мотоцикли „Piggio“ и комплетна опрема за возачите

МВР ќе ги информира граѓаните за новите правила при патување во ЕУ за да нема застои на премините