Со ноќното бележење на улицата „Никола Парапунов“ во Карпош 4, завршена е реконструкцијта на коловозот на потегот од крстосница со булевар „Илинден“ до крстосницата со булеварот „Партизански одреди“. Во текот на градежните работи извршена е реконструкција на коловозот по целата должина на улицата од околу 580 метри, како и нивелација на постојните шахти и сливници, информира Град Скопје.
Екипите на Градот од денеска ќе ја почнат и изградбата на третиот конектор помеѓу главните велосипедски рути на булеварот „Илинден“ и булеварот „Партизански одреди“.
Реконструкциите на градските сообраќајници станаа еден од приоритетите на Град Скопје и како што велат, се завршуваат во рекордно кратки рокови.