Студеното време проследено со интензивни врнежи од дожд, на планинските врвови околу Кичево им донесе нова снежна покривка, чија висина изнесува од 5 до 20 сантиметри, пренесе Нова Македонија.
Снег падна на повеќето планински врвови со надморска височина над 1.500 метри. Снег имаше и во близина на повисоките планински села Душогубица, Малкоец и Ново Село.
Најголеми грижи мајскиот снег им донесе на стадата овци кои кон средината на мај пристигнаа на планинските пасишта на Бистра и Стогово. Ако потрае студеното време, а се задржи и снегот, сопствениците на овие стада ќе мора да обезбедат дополнителни количини храна, бидејќи пасиштата се прекриени со снежна прекривка.