Најмалку три години затвор ѝ се закануваат на уапсената специјална јавна обвинителка, Катица Јанева.
Обвинителот Љубомир Јовески на прес-конференцијата рече дека Јанева е осомничена за злоупотреба на службената положба и овластување според членот 353 став три од Кривичниот законик.
Членот 353 ставот три предвидува: „Ако сторителот на делото од став 1 прибави значителна имотна корист или нанесе значителна штета, сторителот ќе се казни со затвор од најмалку три години“.
Бојан Јовановски и Зоран Милевски се осомничени за кривично дело „Примање награда за противзаконито влијание“, а Јовановски е осомничен и за кривичното дело „Перење пари“.
Во истрагата која Обвинителството за гонење организиран криминал и корупција ја отвори на 15 јули годинава, засега се опфатени три лица.