Засилените сообраќајни контроли ќе продолжат и во наредните денови

Од:

МВР информира дека денеска, во периодот од 08.00 до 20.00 часот, на територијата на СВР Велес е спроведена зајакната акциска контрола за санкционирање на возачи кои управуваат возило со брзина поголема од пропишаната, при што санкционирани се 77 возачи.

„Од нив шест возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. При тоа 18 возачи ја пречекориле брзината во населено место, а 59 надвор од населено место. На сите прекршители изготвени им се соодветни поднесоци“, известуваат од МВР.

Оттаму потенцираат дека засилените акциски сообраќајни контроли ќе продолжат и во наредните денови. Контроли денеска имаше и во Битола, Штип и Тетово.

„На територијата на СВР Битола спроведена e зајакната акциска контрола за санкционирање на возачи кои управуваaт возило со брзина поголема од пропишаната, при што санционирани се 61 возач. Од нив 30 возачи ја пречекориле брзината во населено место, а 31 надвор од населено место. На сите прекршители изготвени им се соодветни поднесоци“, велат од МВР.

На територија на СВР Штип санционирани се 70 возачи. Од нив 32 возачи ја пречекориле брзината во населено место, а 38 надвор од населено место. На сите прекршители изготвени им се соодветни поднесоци.

При контролата на територија на СВР Тетово биле откриени и санкционирани вкупно 106 возачи кои ја пречекориле максимално дозволената брзина надвор од населено место, претежно на автопатот Гостивар-Тетово-Скопје.

„Од нив 13 возачи (ТЕ-5 и ГВ-8) ја пречекориле брзината за над 70 километри на час повеќе од дозволеното, а 58 возачи (ТЕ-36 и ГВ-22) за повеќе од 50 километри на час над дозволеното.

Покрај ова, санкционирани се и 60 возачи (ТЕ-40 и ГВ-20) што се движеле со поголема брзина од дозволената во населено место. Двајца од санкционираните (ТЕ) возеле со над 50 километри час повеќе од дозволеното, а откриени се и 6 други видови сообраќајни прекршоци (ТЕ-3 и ГВ-3)“, информираат од МВР.

Би можело да ве интересира

Уапсени се насилниците кои од Швеѓанец земаа блузата на која имало исцртано глава на орел

Горан Наумовски

Јаневска: Има неколку сериозни наследени проблеми во врска со Студентскиот дом во Тетово

МВР уапси три лица барани со потерници за издржување затворски казни

Продолжен притворот за родителот, кој физички нападна двајца малолетни фудбалери на штипскиот стадион Бело Брдо

Во штипско Ново Село одбележани 101 година од убиството на Тодор Александров

Маж од Австралија е пронајден починат во хотел во Битола