Запленета дрога вредна околу 150.000 евра, пресечен меѓународен канал, приведени пет лица

Од:

Почнувајќи од минатиот месец, Одделот за криминалистичка полиција и Одделот за сузбивање на организиран и сериозен криминал спровеле истрага насочена кон лица инволвирани во организирање на меѓународни транспорти на марихуана од Република Албанија преку Република Северна Македонија кон Република Грција, организатор на криминалната група инволвирана во меѓународни транспорти на марихуана е М.А. (50) од Гевгелија информираат од Министерството за вантрешни работи.

„Во текот на истрагата биле добиени информации и податоци дека овие лица во периодот од 19.07.2021 година ќе организираат пренос на поголема количина на марихуана од Албанија до Струга потоа до Гевгелија, со цел истата да ја транспортираат кон Грција. На 22.07.2021, И.К. (37) од Гевгелија, З.Б. (52) од с. Грчиште, Валандово и Д.С. (27) од с. Марвинци со возило „опел вектра“ со гевгелиски таблички се упатиле кон с. Јанковец-Ресен, каде оствариле средба со Д.Д. (38) од с. Ливата, Струга, кој пристигнал со возило „опел вектра“ со ресенски таблички, а со кое Д.Д. ја донел и претходно обезбедената марихуана. Тоа возило било преземено од Д.С. и тој се упатил од с.Јанковец во правец на Градско, а И.К. и З.Б. со возилото со гевгелиски таблички се движеле пред него во улога на чистачи“ – стои во соопштението од МВР.

По преземени мерки и активности, на 22.07.2021 околу 16:35 часот двете возила се запрени од полициски службеници од ОКП, ОСОСК и ОСПО-САЕ Тигар, при што во возилото што го управувал Д.С., во багажниот простор биле пронајдени три торби со 54 пакувања марихуана, која според првичните проценки има пазарна вредност од околу 150.000 евра, по што сите се лишени од слобода.

Во координација со СВР- Струмица, СВР-Охрид и РЦ Југ извршени се и повеќе претреси на подрачје на Гевгелија, Валандово и Струга каде од слобода се приведени поранешни вработени во МВР, М.А. и Д.Д. За време на претресите пронајдени се голем број на мобилни телефони со СИМ картички, додека кај И. К. пронајдени се и одземени и две ловечки пушки, пиштол и муниција за наведените оружја кои лицето ги поседувал без дозволи.

За сите превземени активности известен е надлежен Јавен обвинител од ОЈО за ГОКК, при што по комплетирање на целокупната документација против наведените лица ќе биде поднесена соодветна кривична пријава за сторено кривично дело по чл. 215 ст.3 од КЗ на РСМ.

Би можело да ве интересира

Спречен шверц на 38 килограми канабис од албанска на македонска територија

Ана Ололовска

Обвинителство за организиран криминал и МВР спроведоа акција против дилери на дрога

Ана Ололовска

МВР: Запленета дрога со вредност околу 70.000 евра, приведени четири лица

Ана Ололовска

Прегазен пешак во Илинден, возачот побегнал

Ана Ололовска

Скопјанец осомничен за нелегално поседување дрога, обвинителство бара притвор

Ана Ололовска

Малолетник од Албанија предизвикал сообраќајка кај Струга и со тешки повреди завршил во болница