Насилно отворен и опожарен автомобил ноќеска во Карпош 4. Настанот утрово во полиција го пријавил сопственикот на возилото, кој кажал дека го паркирал некаде околу полноќ, а утрово го затекнал изгорен. Од огнот причинета е материјална штета, а неофицијално оштетени се седишта, контролната табла на возилото, прозорците. Настанот го потврдуваат и од полицијата.
„Според пријавеното, тој забележал дека прозорецот од совозачката страна бил насилно отворен и била запалена внатрешноста на возилото, која била делумно оштетена. Огнот се изгаснал сам“, велат од МВР.
Оттаму нема информации дали на полицијата и е познат сторителот кој го запалил автомобилот, како и причината, туку додаваат дека се работи на расчистување на случајот.