(ВИДЕО) Заев: За поздравување одлуките за оставки на членови на Aнтикорупциска

Од:

Премиерот Зоран Заев денеска ја поздрави одлуката на дел членовите од Државна комисија за спречување на корупција (ДКСК) да поднесат оставки.

– Можеме да ги ослободиме институциите доколку бидеме транспарентни, отчетни и доколку преземеме одговорност, макар и етичка. Убеден сум дека на Македонија и треба сериозна Антикорупциска комисија, која ќе почива на сите потребни меѓународни пракси и ќе биде будното око на следење на извршната власт и на се што има допир со народните пари, рече Заев.

Според него на Македонија и треба институција која ќе биде за пример и која ќе биде еден од најголемите коректори на слабостите на системот во насока на севкупната определба за борба против корупцијата.

Претседателот на Државната комисија за спречување на корупција Игор Тантуровски денеска поднесе оставка, потврдија за МИА од Антикорупциска. Тој изутрината ја доставил оставката до Собранието. Оставка вчера поднесе и членот на Комисијата и нејзин поранешен претседател Горан Миленков, кој беше првиот што се повлече од функцијата, откако пред неколку дена беше објавен скандалозниот извештај од внатрешната ревизија направена во Комисијата.

Во извештајот се наведени сомневања за исплата на фиктивни патни налози и трошења на буџетски пари.

За извештајот на ревизорите за Антикорупциска, истрага отвори Јавното обвинителство, а парламентарното мнозинство ги повика членовите да си поднесат оставки или ќе биде иницирано нивно разрешување во Собранието.

Би можело да ве интересира

Заев: Заедно можеме многу, очекувам во „Отворен Балкан“ да се приклучат и други

Катерина Павлова-Николовска

Заев: Прагот од два отсто за потписи за независните листи ќе биде или намален на еден отсто или укинат

Катерина Павлова-Николовска

Заев за „Отворен Балкан“: Додека ЕУ не го испорача ветеното, ние мора да работиме и да го унапредуваме животот

Катерина Павлова-Николовска

ВМРО-ДМПНЕ: Заев лажно ветуваше европска, а сега нуди „мини-шенген“ Македонија

Заев: УНЕСКО гледа дека напредуваме во заштитата на охридскиот регион

Жарко Настоски

Законите важат за сите – системот се справува и со крупните и со ситните риби, тврди Заев

Жарко Настоски