Заев за демолирањето на МНТ: Секој вандалски чин е за осудување, да се надоместат штетите

Од:

Премиерот Зоран Заев ги повика организаторите на прослава во петокот во која беше уништен инвентар на Македонскиот народен театар да си понесат одговорност и да ја надоместат штетата. Иако СДСМ, како што рече премиерот, е против градбите од проектот „Скопје 2014“ , тие се сега државна сопственост и никој нема право да го крши инвентарот.

„Секој вандалски чин е за осудување, тука нема дилеми. Јас бев информиран дека учествувам во првиот дел на активностите, а тоа е делот на одбележувањето на Денот на албанската азбука, без присутен таму, останав дури малку и на коктелот и заминавме. Ми кажаа дека има втор дел, за млади. Вториот дел испадна дека и не била толку културна манифестација. Треба да си понесат одговорност одговорните луѓе за таа работа“, рече премиерот Заев.

Тој утрово на координација од колегите слушнал дека дел од медиумите објавиле дека во МНТ синоќа биле направени штети, но не бил детално запознаен со настанот.

Премиерот не оговори директно на новинарското прашање дали ќе бара одговорност од пратеникот Артан Груби кого го посочија како координатор на прославата.

Во петокот во МНТ навивачката група „Шверцери“ на фудбалскиот тим „Шкупи“ влегла за да го проследи документарниот филм по повод нивниот 30 – годишен јубилеј, но за време на настанот го оштетиле инвентарот во театарот.

Директорката на МНТ, Симона Угриновска изјави дека не била информирана за вториот настан. Таа во координација со Владата дала дозвола за одбележување на Денот на албанската азбука, настан кој се одржал пред јубилејот на „Шверцери“.

Би можело да ве интересира

Претставата „Народен пратеник“ на МНТ продолжува со регионалната турнеја

Манасиевски: Фирми блиски до Заеви како подизведувачи на Марковски компани, инкасирале милионски суми од ископ на јаглен

Вечерва официјално се затвори МТФ Денови на комедија Куманово 2025 при што се доделија и наградите

Предраг Петровиќ

Петрушевски: Филипче да каже дали Заев му понудил стик со прислушкувани материјали на поранешен бугарски премиер и една шема за купување на две големи фирми од кои едната телевизија

ВМРО-ДПМНЕ: Потпишувањето на бугарскиот договор не е политичка волја туку финансиски интерес на Заев

(ВИДЕО) Николоски: Венко Филипче и СДС се во целосна координација на нивниот лидер во сенка-Зоран Заев

Горан Наумовски