Сите видовме дека таму има нова табла. Сите знаеме дека старите табли преку уставните промени останаа. Некои ги уништија, а некои стојат.
Но, има нова табла, рече претседателот на СДСМ и доскорешен премиер Зоран Заев денеска на прес-конференција, одговорајќи на новинарско прашање во врска со изјавата на министерската за труд и социјална политика Рашела Мизрахи дека е подготвена да плати и казна до пет илјади евра само да не стави двојазична табла.
Заев посочи дека поранешната министерка за труд и социјална политика Мила Царовска има одржано прес-конференциии и изјави со нова табла.
Се работи за Устав и закон на државата. Зборуваме за правна држава, за Устав и за закон. Очекувам Владата предводена од СДСМ да преземе конкретни чекори, рече Заев.
За деталите околу тоа што ќе биде преземено во врска со ова прашање, Заев упати на премиерот Оливер Спасовски.