Заев по средбата со Борел: Има поддршка за отворање на преговорите, нема да нѐ двојат со Албанија

Од:

Премиерот Зоран Заев попладнево се сретна со шефот на дипломатија, Јосеп Борел, а двајцата изразиле надеж дека Северна Македонија ќе ги отвори формално преговорите со ЕУ што е можно поскоро, соопштија од Владата.

Борел повтори дека нема никаква поддршка ниту во институциите на ЕУ, ниту кај земјите-членки за идејата за одвојување на Северна Македонија од Албанија на патот кон евроинтеграциите, затоа што и двете земји ги исполнуваат условите.

-Северна Македонија ги исполнува потребните услови и заслужува да премине на следната етапа, изјави Борел по средбата со Заев.

Шефот на европската дипломатија потсети дека Северна Македонија е една од двете земји кои најдолго чекаат пред вратите на ЕУ, веќе 16 години.

-Има силна поддршка за одржување на првата Меѓувладина конференција со Северна Македонија што поскоро, знаеме дека чекате одамна, можеби 16 години, и сте втората земја што најдолго чека пред вратите на проширувањето, рече високиот претставник за надворешна политика на ЕУ.

Тој истакна дека на вчерашниот Совет на ЕУ се одржа долга дебата за Западниот Балкан и дека сите земји членки на ЕУ ја потврдиле нивната поддршка за европската перспектива на регионот.

Борел додаде дека Северна Македонија може да смета на поддршката на Еврпската Унија за изнаоѓање решение за процесот на пристапување во ЕУ како и во борбата против пандемијата од Ковид-19.

Северна Македонија во март 2020 доби безусловно зелено светло за отпочнување на преговорите со ЕУ, но Бугарија одбива да ја усвои преговарачката рамка на ЕУ за земјата поради билатералниот спор за јазикот. Без усвојување на преговарачката рамка, Северна Македонија не може да ја одржи првата Меѓувладина конференција со ЕУ со која формално се означува почетокот на преговорите.

Заев по средбата со Борел предупреди дека неисполнување на ветеното од страна на ЕУ ќе биде лош сигнал за целиот регион.

-Позитивен чекор напред за Северна Македонија ќе значи сигнал на охрабрување за целиот регион, пораз за Северна Македонија ќе значи обесхрабрување за сите, изјави премиерот Заев.

Шефот на македонската Влада овие два дена престојува во Брисел каде се сретна и со претседателката на Европската Комисија, Урсула фон дер Лајен. Неговата порака до соговорниците во ЕУ е дека треба да се вклучат поактивно во надминување на блокадата на Бугарија и со тоа да го исполнат ветеното од нивна страна.

Би можело да ве интересира

Човекот на фотографијата што ја објави Лефков, не е приведениот за подметнување пожар, реагира СДСМ

Катерина Ѓуровски

Возачот-потпалувач бил со Заев кога ги носеше „бомбите“ во СЈО, ВМРО-ДПМНЕ со фотографија тврди му бил близок

Катерина Ѓуровски

ВМРО-ДПМНЕ обвини дека уапсениот за подметнување пожар е шофер на Заев: Возеше инспектори, не сум го видел од 2016 одговара екс премиерот

Трамп: Најголем договор досега

САД и ЕУ постигнаа трговски договор

Горан Наумовски

Трамп: САД и ЕУ имаат добри шанси да постигнат трговски договор