Претседателката на Европската комисија, Урсула фон дер Лајен, изјави дека Европската Унија ќе најде начин да ѝ ги исплати на Украина ветените 90 милијарди евра кредити и покрај противењето на Унгарија.
Во изјава за новинарите по самитот во Брисел, фон дер Лајен изјави дека средствата ќе бидат обезбедени „на еден или друг начин“ откако лидерите на ЕУ не успеаја да го убедат унгарскиот премиер Виктор Орбан да се откаже од блокирањето на финансискиот пакет.
Претседателот на Европскиот совет, Антонио Коста, изјави дека лидерите на ЕУ го осудиле „неприфатливиот“ отпор на Унгарија за време на состанокот.