Нема договор за техничка влада, изјави Зоран Заев, по лидерската средба во четири очи, со премиерот Никола Груевски. Средбата Заев – Груевски е веќе завршена.
За останатите 4 точки од барањата на СДСМ денеска воопшто не станало збор. Како што изјави лидерот на СДСМ, средбата завршила без успех, бидејќи не бил постигнат договор за отпочнување на разговори и преговори меѓу власта и опозицијата за темата техничка влада.
– Денеска се обидовме да воспоставиме разговор за барањата на опозицијата. На премиерот му ви воочив нашите барања. Не постигнавме договор заради клучната тема. Ставовите на опозицијата ги знаете и нашата решителност ја покажавме пред целата македонска јавност, прво со давање на изјави за неприфаќање на мандатите, па принудени спротивно на Устав и закон да поднесеме оставки. Ние не остапуваме од нашите ставови и тие се исклучиво во интерес на државата. Без техничка влада сите други теми се ирелевантни за разговор. Опозицијата нема намера на води гол инает ние сме подготвени за преговори, ако е подготвена власта да разговара за техничка влада – деталите секогаш може да се допрецизираат – изјави Заев.