Заев му се јавил и му честитал на Ципрас

Од:

Ми се јави да ми честита, исто како што направија и други лидери, рече грчкиот премиер по ратификацијата на Договорот од Преспа во грчкиот Парламент , одговарајќи на новинарско прашање дали разговарал со неговиот македонски колега, Зоран Заев.

Во изјавата, Алексис Ципрас го повтори она што претходно го напиша на неговиот официјален Твитер профил дека денес е историски ден за Грција, бидејќи „се става крај на голем нерешен проблем што и тежеше на надворешната политика“, но е и историски ден и за Балканот.

Рече дека „денес се роди една нова земја на северната граница, Северна Македонија, која ќе биде земја пријател и сојузник на Грција“.

Ципрас им се обрати и на сите оние кои се противат на договорот велејќи дека многу брзо и самите ќе ги видат придобивките.

-Сакам да им се обратам на сите Гркинки и на сите Грци. Резултатот на денешното гласање нема победници и поразени. Особено, сакам да им се обратам на оние кои се уште имаат свои приговори, го почитуваме тоа, критикуваат, го почитуваме и тоа, да бидат сигурни дека многу брзо ќе ги видат големите придобивки од овој голем чекор напред, рече Ципрас.

Во изјавата за медиумите, грчкиот премиер им се заблагодари на сите пратеници што ја поддржаа ратификацијата, велејќи дека „следните генерации и двата народи ќе им бидат благодарни бидејќи денес ги ставаат темелите за иднина на мирен соживот, солидарност и соработка“.

-Сакам длабоко од срце да им се заблагодарам на 153-та пратеници од нашиот Парламент, кои и покрај големите притисоци, уцените, личните напади издржаа и одговорија на околностите, на националната совест, давајќи ѝ приоритет на патриотската должност, она што самите сметаа и сметаат дека е национална придобивка за нашата земја, порача грчкиот премиер.

Би можело да ве интересира

Грција: Нема воени гаранции за Украина по војната

Тепачка на плажа во Грција – ги нападна туристите кои сакаа да пливаат голи

А1он

Грчките државни службеници штрајкуваат 24 часа

Грчки политичар од срцев удар почина на плажа на Халкидики

А1он

(ВИДЕО) Каменуван е автобус со српски туристи во Грција, двајца патници и возачот се повредени

Горан Наумовски

Голем пожар во Грција: Гори шумската област Амигдалос