Заев ќе разговара со Мицотакис за Преспанскиот договор, НАТО и ЕУ

Од:

Премиерот Зоран Заев рече дека претстојниот НАТО самит и имплементацијата на Преспанскиот договор секако ќе бидат дел од темите на кои ќе разговара денеска во Солун со Мицотакис, иако станува збор за учество на економски форум.

– На форумот во Солун очекувам да разговараме за економски теми, но секако ќе поразговараме и за европската агенда. Јас сум благодарен што Грција е директно и позитивно вклучена во унапредувањето на нашата европска агенда. Ќе разговараме за претстојниот НАТО самит, но и за имплементацијата на Преспанскиот договор, изјави Заев по отворањето на Македонско-рускиот бизнис форум.

На новинарско прашање дали ако не добиеме датум за почеток на преговорите со ЕУ, Кина и Русија може да бидат опција, Заев потенцира дека единствена алтернатива за земјава се ЕУ и НАТО.

Премиерот беше дециден дека реактивирањето на Мешовитата меѓувладина комисија со Русија не значи никаков наводен одговор кон ЕУ, туку единствено заложба за интензивирање на економската соработка.

– Ова не е никаква порака. Работиме на подигнување на нашиот стандард. Треба да правиме се што носи бенефит за нашиот народ. Верувам дека аспирациите на земјава ќе се исполнат, но и дека паралелно ќе постигнеме економски просперитет, подвлече Заев.

Би можело да ве интересира

Заев го повикува Мицкоски да најдат решение за да се донесе законот за јавно обвинителство пред распуштање на Собранието

Ана Ололовска

ВИДЕО: Спасовски и Заев се сретнаа со Вселенскиот Патријарх г. г. Вартоломеј во седиштето Цариградската Патријаршија во Истанбул

Ана Ололовска

Заев – Џанг Ѕоу: Пријателството со НР Кина носи придобивки за сите граѓани, ја продолжуваме соработката во нови области

Ана Ололовска

ВМРО-ДПМНЕ: Заев ја присили Ангеловска да лаже дека нема забрана за комуникација со заменичката

А1он

Заев ја поздравува новата шпанска Влада: Наскоро ќе бидеме 30 членка во НАТО

Заев му ја честиташе на Милановиќ победата на претседателските избори во Хрватска

Предраг Петровиќ