Заев: Ќе бидам прв по министерот Филипче за вакцинирање

Од:

Премиерот Зоран Заев најави дека ќе ја прими вакцината за заштита од Ковид – 19 веднаш по министерот за здравство Венко Филипче, за кој, како лекар, смета дека треба да биде првиот функционер кој ќе се вакцинира.

Одговарајќи на новинарско прашање кој од функционерите прв ќе ја прими вакцината, тој рече дека со личен пример ќе им покаже на граѓаните дека треба да ја примат вакцината.

„Прво треба да се вакцинира здравствената комисија, нашите херои лекари, медицински сестри, здравствениот персонал, потоа хронично болните, повозрасните, па семејствата што изгубиле член од семејството. Веројатно прв треба да биде министерот Филипче, а јас ќе бидам прв по министерот за вакцинирање откако ќе поминат на ред оние што имаат приоритет. Јас сум еднаков со другите и ќе дадам личен пример за граѓаните час поскоро да се вакцинираме. Јас, моето семејство и роднините ќе се вакцинираме“, рече премиерот Заев.

Тој очекува враќање на животот во нормала кога ќе бидат вакцинирани 60 – 70 отсто од населението.

Според досегашните најави, првите 5850 вакцини од „Фајзер“ треба да стигнат во февруари. Тие се дел од договорот за набавка на 800.000 дози од оваа вакцина преку Ковакс системот, доволни за вакцинирање на 400.000 граѓани. Од истата вакцина, „Фајзер“ , 8.000 дози пред два дена најави дека за нашите граѓани ќе одвои и Србија. Министерот Филипче ги договара деталите, начинот и времето кога ќе бидат испорачани.

Би можело да ве интересира

Албанија утре ќе добие уште 15 илјади вакцини Фајзер

Катерина Павлова-Николовска

Во Велика Британија вакцинирани над 20 милиони луѓе

Министерството за здравство потврди, повлечен е авансот за кинеската вакцина

Катерина Павлова-Николовска

11 починати и 305 нови случаи на Ковид-19

30 нови пациенти во ковид центрите во Скопје во последното деноноќие

Нè очекува епидемија на хронични заболувања и ментални болести, предупредува професорот Даниловски

Маја Илиевска-Пачемска