Преку писма премиерот Зоран Заев и министерот Бујар Османи барале од Кина што побрзо да ги натовари вакцините за тие да може да стигнат во Македонија до крајот на оваа недела. Премиерот Заев очекува сега процесот да оди полесно оти во Кина поминале празниците.
„Во четврток – петок помина кинеска Нова година. Пуштивме писма во Кина, прво јас а потоа и министерот Османи за да го забрзаме процесот, час поскоро вакцините да бидат натоварени. До крајот на оваа седмица, а тоа е и крајот на февруари ќе стигнат“, рече премиерот Заев за кинеските вакцини.
Министерството за здравство нарача 200.000 од кинеската вакцина на „Синофарм“ за кои, според најавите, авионски транспорт ќе организира Македонија.
Министерството за здравство нарача 200.000 од кинеската вакцина на „Синофарм“ за кои, според најавите, авионскиот транспорт ќе го организира Македонија. Министерот за здравство Венко Филипче за кинеските вакцини веќе извести дека е направен детален план за транспорт од аеродромот во Скопје со местата за складирање на вакцината, како и план за нејзина дистрибуција со вакциналните пунктови. Вакцината н „Синофарм“се чува и дистрибуира на температура од 2 до 8 степени, а стигнуваат во наполнет шприц.
За набавка на 100.000 дози од руската вакцина премиерот Заев рече дека ќе следат преддогвоори и договори во кои очекува да биде утврден терминот кога ќе стигнат кај нас.