Заев – Дуда: Северна Македонија треба веднаш да ги започне преговорите со ЕУ за да се потврди дека европскиот проект е жив и атрактивен

Од:

Премиерот Зоран Заев придружуван од министерот за надворешни работи Бујар Османи денеска беше домаќин на работен ручек организиран во чест на претседателот на Полска Анджеј Дуда кој е во официјална посета на Македонија.

Премиерот Заев изрази благодарност до претседателот Дуда за охрабрувачките пораки што тој ги испраќа по однос на интеграцијата на Северна Македонија во ЕУ, како и за севкупната помош што Полска ја обезбеди во неколку наврати за македонското здравство, вклучително и најновата донација од 200.070 дози Фајзер вакцини.

„Европа е нашата ѕвезда водилка, мотиватор за нашиот развој низ децении и векови и веруваме дека ЕУ нема да дозволи нашата надеж да згасне“, изјави премиерот Заев на средбата со претседателот Дуда.

Во тој контекст, заеднички беше констатирано дека проширувањето на Европската Унија мора да продолжи, изразено преку почеток на преговорите на Северна Македонија, бидејќи со тоа ќе се потврди дека европскиот проект е жив и атрактивен, особено за земјите како Северна Македонија кои ги спроведуваат сите потребни реформи.

После Брегзит, проширувањето на Европската Унија е особено важно за да се обезбедат нов ентузијазам, нови можности, нов развој и нов економски пазар, се согласија Заев и Дуда.

На средбата беше истакната блискоста меѓу полскиот и македонскиот народ и меѓу сите граѓани на двете земји, а премиерот Заев и претседателот Дуда потенцираа дека постојат одлични услови за натамошен развој на соработката меѓу Северна Македонија и Полска, особено во сферата на економијата и туризмот.

Би можело да ве интересира

Лирман: Треба што поскоро да се отворат пристапните преговори за С. Македонија и за Албанија

Ана Ололовска

Лирман во Тирана: Добивме позитивни сигнали од Бугарија, посветени сме на отворање на преговорите

Ана Ололовска

Заев за „А1он“ откри дека се откажува од повеќето привилегии, а ќе користи само една

Кристијан Ландов

Бомгартнер: Изградба на силна Европа е приоритетот на француското претседавање со Советот на ЕУ

Ана Ололовска

Ескобар: Зборувавме со Франција за С. Македонија што поскоро да ги почне преговорите

Ана Ололовска

Кабинет на Заев: Доколку Димитров е против што било од позициите кои сме ги изградиле заедно, чесно е да го каже тоа и да објасни зошто

Ана Ололовска