Заев до Меј: Најостро го осудуваме терористичкиот напад во Манчестер и се солидаризираме со граѓаните на Британија

Од:

Претседателот на СДСМ, Зоран Заев упати Телеграма со сочувство до британската премиерка Тереза Меј и до граѓаните на Обединетото Кралство на Велика Британија и Северна Ирска по терористичкиот напад во Манчестер во кој животот го загубија над 20 лица, а има и повредени.

,,Изразувам искрено сочувство до семејствата на загинатите во терористичкиот напад во Манчестер, до државно-владиниот врв и до сите граѓани на Велика Британија, во мое име и во име на Социјалдемократскиот сојуз на Македонија.

Најостро го осудуваме ужасниот терористички акт во кој настрадаа над 20 лица, меѓу кои и млади луѓе и деца, кои се кукавички убиени во експлозијата на бомбаш самоубиец по завршувањето на концертен настан во Манчестер.

Да се посегне по терористички чин, какви што се првичните оценки, врз млади луѓе е зло врз животот, слободата, мирот и спокојот на целото човештвото.

Неопходно е уште поцврсто и поорганизирано обединување и дејствување на демократскиот свет против една од најсериозните закани на меѓународниот мир и стабилност – тероризмот.

Граѓаните на Македонија се солидаризираат со граѓаните на Велика Британија. Очекуваме целосно расветлување на терористичкиот акт и соодветна одговорност“.

Би можело да ве интересира

Британски специјалци под истрага за воени злосторства во Сирија

Катерина Ѓуровски

Во Велика Британија: Уапсена е жена осомничена за убиство на десетгодишно девојче

Велика Британија влезе во рецесија

САД и Велика Британија повторно ги нападнаа Хутите: „Погодивме осум цели“

Последното предупредување – ерата на мирот заврши, подгответе се за војна, веќе се распоредени 20.000 војници

Хутите им се заканија на САД и Велика Британија: Ќе платите висока цена

А1он