Анти-НАТО екперимент, вака од ВРЕДИ ја оценуваат интрпелацијата за претседателот на Собранието Африм Гаши. Како и во секој политички експеримент, така и во интерпелацијата има неопходни елементи, реагираше Вреди преку соопштение.
„Потребен е мотив како аеродромскиот инцидент. Потоа, координирано се креира хистерија во јавноста. На фанфари се бара политичка одговорност. Се прави конструкција со обезбедувањето на претседателот на Собранието. Левица е подносител на интерпелација, СДСМ е поддржувач, а ДУИ бара алиби за јавно да влезе во ова друштво и од страничен подбуцнувач да ја преземе улогата на политички координатор. Што е целта? Сигурно не е одбрана на дипломатските односи со Косово, ниту Охридскиот Рамковен договор, туку целта е да се предизвика политички земјотрес. Зошто? За да се стави на тест владиното мнозинство и некој да провери дали опозицијата може да најде заеднички интерес да делува здружено“, се вели во реакцијата.
Од Вреди велат дека се подготвени да ја бранат честа на албанскиот народ, стратешкото партнерство со САД и ЕУ вредностите.
„Клучната дилема е дали ДУИ до толку е исплашена од тоа што следи што е подготвен да се координира и со Левица само да не се зборува за криминалот на нивните поранешни функционери? Доаѓа време за вистината“, наведено е во реакцијата на Вреди.