За Кацарска цел Судски совет гласал дека не треба да биде разрешена

Од:

Членовите на Судскиот совет, одлуката за отфрлање на иницијативата за разрешување на судијката Добрила Кацарска ја донеле едногласно, дознава неофицијално „А1он“.

Ова следува по изготвениот извештај од тричлената комисија која на јавна седница ги сослуша и судијката и сопругот на ексминистерката за внатрешни работи Гордана Јанкулоска, Влатко Илиевски, кој ја поднесе претставката за разрешување.

Илиевски, повеќе од еден и пол час ја објаснуваше претставката за разрешување на судијката Добрила Кацарска.

Претставката беше поднесена поради пристрасно водење на постапката, намерна повреда на правата за правично судење и груба повреда на судискиот кодекс во предметот за набавката на мерцедесот „Тенк“.

Како што рече Илиевски, кога Јанкулоска била во ризична бременост и два месеца потоа, со јавно кажаните закани дека ќе биде присилно донесена на судење, доколку не се појави на закажаните рочишта, Кацарска сакала да ја оствари целта за донесување одлука за постоењето вина на ексминистерката.

Кацарска, која во Судскиот совет дојде со двајца адвокати, за како што рече, да му даде тежина на настанот, рече дека нема дамка во нејзината 33-годишна кариера како судија, а причината за долгите рочишта е по вина на обвинетите, бидејќи 10 до 15 часот се изнесувале само приговори и барања за изземање од самите адвокати, а во 15 часот бранителите барале да прекине расправата поради истек на работното време.

Ниту едно право на обвинетата, како што рече, не ѝ било ускратено.

Јанкулоска е осудена на казна затвор од 4,5 години за злоупотреба на службената положба и овластување во предметот „Тенк“.

Би можело да ве интересира

Како уште се толерираат вакви судии: Четиригодишно дете наместо на мајката, со пресуда го дадоа на таткото семеен насилник

Предраг Петровиќ

Филипче: Оксиморон е со партиски протести Мицкоски да се бори против наводно партизирано судство

Собранието ги разреши, но одлуката е на членовите на Судскиот совет дали ќе заминат

Доколку членовите на Судски совет не постапат соодветно, можно е да им се случи народ, порача Мицкоски

Пренџов: Членот на Судски совет, Чачарова-Илиевска освен што била правна советничка на Заев, била и донатор на СДС во повеќе наврати

Собранието изгласа недоверба на членовите на Судски совет Црвенковска и Адеми, а претходно и на Дамева