Врвниот виолинист Зоран Џорлев ја изгуби битката со Ковид-19

Од:

На 53-годишна возраст почина македонскиот виолинист, вокален изведувач, професор, Зоран Џорлев. Семејството и пријателите се простуваат од него на социјалните мрежи. Меѓу нив и неговиот внук од сестра, Огнен Здравковски, под чија фотографија музичарите оставаат коментари.

Според блиски до семејството Џорлеви, причината за смртта се компликации предизвикани од коронавирусот, со кој бил инфициран.

Зоран Џорлев е роден во Струмица на 10 јануари 1967 година, каде го помина детството, живеејќи на улицата „Пере Тошев“ во близина на киното, заедно со братот Ристо и сестрата Софче.

Тој е дете на Наско и Грозда Џорлеви, а татко му е познат композитор на народна музика и водач на оркестар. Кога бил првооделенец, со семејството се преселил во Скопје. Уште во раното детство, во Струмица, започнал да свири на труба, хармоника и гитара. Во 1977 година почна да свири на виолина, откако претходно во музичкото училиште беше одреден да свири на пијано, зашто „немал предиспозиции за виолина“.

Во 1989 дипломирал виолина на Факултетот за музичка уметност. Познат е по обработките и изведувањето на македонските народни и забавни композиции, обработки на филмски, џез, етно теми. Работеше како професор по виолина, а беше и директор на ДМБУЦ Илија Николовски Луј во Скопје. Во јануари 2011, Џорлев беше назначен за директор на ансамблот за народни игри и песни „Танец“, каде остана до август 2017 година.

Би можело да ве интересира

ВИДЕО: Почина американскиот водител на ток-шоу Џери Спрингер

Ана Ололовска

Почина специјалист ортопед Иван Рамбабов

Ана Ололовска

Почина Рјуичи Сакамото, познат јапонски композитор и продуцент

Ана Ололовска

Комеморација за Димче Мешковски во Драмски

Ана Ололовска

Почина македонскиот актер Димче Мешковски

Горан Наумовски

Почина др. Горан Беговиќ, претседател на Самостојниот синдикат на вработените во универзитетските клиники

Горан Наумовски